Two Countries is a Malayalam Romantic Comedy movie
directed by Shafi.
Starring Dileep,Mukesh,Suraj Venjaramoodu,Aju Varghese,Mamta Mohandas,Namitha Pramod,Lena,Makarand Deshpande,Ashokan,Hareesh Perumanna,Vinaya Prasad,Nandu Poduval.
ഷാഫി -ദിലീപ് കൂട്ടുകെട്ടിൽ പിറന്ന മൂന്നാമത്തെ ചിത്രമായ 2 കൺട്രീസ് മറ്റു രണ്ടു ചിത്രങ്ങൾ പോലെ തന്നെ വലിയ വിജയം കൈവരിച്ചിരിക്കുന്നു. കുടുംബ പ്രേക്ഷകരെ ഒന്നടങ്കം പൊട്ടി ചിരിപ്പിച്ച് ഈ ചിത്രം മുന്നേറുകയാണ്. ഒപ്പം ഇറങ്ങിയ മറ്റു ചിത്രങ്ങളേക്കാളും ജനങ്ങൾ ഏറെ ഇഷ്ട്ടപ്പെടുന്നത് ഈ ചിത്രത്തെയാണ്. കല്ല്യണരാമൻ, മേരിക്കുണ്ടൊരു കുഞ്ഞാട് എന്നി ചിത്രങ്ങളുടെ തുല്ല്യ നിലവാരത്തിൽ ഈ ചിത്രവും പ്രേക്ഷകരുടെ മനസ്സിൽ സ്ഥാനം പിടിച്ചു കഴിഞ്ഞു. ദിലീപ് എന്ന നടനെ സംബന്ധിച്ചിടത്തോളം ഇതൊരു തിരിച്ചുവരവാണ്. ദിലീപ് എന്ന നടന്‍റെ സിനിമകൾ കൂടുതലും കുടുംബ പ്രേക്ഷകരാണ്‌ കാണുന്നത്. സിനിമ സംവിധായകനായ റാഫി തിരക്കഥ രചിച്ചിരിക്കുന്ന ഈ സിനിമയിൽ നർമ്മത്തിനും വൈകാരികതയ്ക്കും ഒരു പോലെ പ്രസക്തിയുണ്ട്.
നാട്ടിൽ ജോലിയില്ലാതെ അലഞ്ഞു തിരിയുന്ന ഉല്ലാസ് എന്ന യുവാവിന്‍റെ ജിവിതത്തിൽ സംഭവിക്കുന്ന ചില രസകരമായ സന്ദർഭങ്ങളിലൂടെയാണ് കഥ മുന്നോട്ട് പോകുന്നത്. കേരളത്തിലും കാനഡയിലുമാണ് സിനിമ ചിത്രികരിച്ചിരിക്കുനത്. നയാഗ്ര വെള്ളച്ചാട്ടത്തിന്‍റെ അതിമനോഹരമായ രംഗങ്ങളും ഈ സിനിമയിൽ നമുക്ക് കാണാൻ സാധിക്കും. ദിലീപിനു പുറമെ ജഗദീഷ്, മുകേഷ്, അശോകൻ, അജു വർഗിസ്, വിജയരാഘവൻ, മംമ്ത മോഹൻദാസ്‌, സ്രിന്ദ എന്നിവരും നല്ല രിതിയിൽ അഭിനയിച്ചിട്ടുണ്ട് .
ഗോപി സുന്ദർ ഈണം നൽകിയിട്ടുള്ള ഈ സിനിമയിലെ എല്ലാ ഗാനങ്ങളും സന്ദർഭങ്ങൾക്ക്‌ യോജിച്ചതാണ്. പലതരം ഭാവങ്ങളിലൂടെ കടന്നു പോകുന്ന ഈ ചിത്രത്തിന്‍റെ വളരെ സങ്കിർ ണ മായ ക്ലൈമാക്സ്‌ രംഗം വളരെ രസകരമായി സംവിധായകൻ കൈകാര്യം ചെയ്തിരിക്കുന്നു.
മലയാളത്തിൽ ഈ അടുത്തിറങ്ങി വിജയിച്ച ചില സിനിമകളുടെ സീനുകൾ മാതൃകയാക്കി ചില തമാശ രംഗങ്ങൾ സിനിമയിൽ കോർത്തിണ ക്കിയിട്ടുണ്ട്. അത്തരം നർമ്മത്തിന് ജനങ്ങൾ തിയറ്ററുകളിൽ നിറചിരിയോടെ വരവേൽക്കുനത് നമുക്ക് കാണാം .
വിജയ ജോഡികളായ ദിലീപും മംമ്ത മോഹൻദാസും ഒരുമിച്ച് അഭിനയിച്ച സിനിമകളിൽ ഏറ്റവും മികച്ച ചിത്രവും ഇതു തന്നെയാണ്.
കാണാൻ കൊള്ളാവുന്ന, പ്രേക്ഷകനെ ബോറടിപ്പിക്കാത്ത രസകരമായ ഒരു സിനിമ അതാണ് 2 കൺട്രീസ്.
MALAYALAM 
